×

Live on

रेडियो अर्थ सरोकार

Listen to live radio.

यी ७ मुलुकमा पुगेका एक लाख २७ हजार नेपाली अलपत्र, दुई लाख ८० हजारको रोजगारी गुम्दै !

GLOBAL IME BANK
KAMANA SEWA BIKAS BANK

यी ७ मुलुकमा पुगेका एक लाख २७ हजार नेपाली अलपत्र, दुई लाख ८० हजारको रोजगारी गुम्दै !

२५ बैशाख २०७७, बिहीबार

पढ्न लाग्ने समय: १ मिनेटभन्दा कम

  • अर्थ सरोकार सम्बाददाता 
काठमाडौ‌ं – श्रम रोजगार तथा सामाजिक सुरक्षा मन्त्रालयले वैदेशिक रोजगारमा गएका चार लाख भन्दा बढी नेपाली श्रमिक नेपाल फर्किन चाहेको बताएको छ ।  बुधबार प्रतिनिधि सभाको श्रम, तथा उद्योग र उपभोक्ता तथा आपूर्ति समितिको बैठकमा श्रममन्त्री रामेश्वर राय यादवले चार लाख भन्दा बढी नेपाली श्रमिक नेपाल फर्किन चाहेको बताएको हुन् ।  
मन्त्रालयका अनुसार विदेशमा चार लाख सात हजार नागरिक तत्काल स्वदेश फर्किन चाहेका छन् । तीमध्ये एक लाख २७ हजारलाई तत्कालै उद्धार गर्नुपर्ने अवस्था छ । उनीहरुमध्ये कसैको भिसाको अवधी सकिएको छ भने कोहीले आममाफी पाएका छन्। 
मलेसियाबाट सात हजार, कतारबाट ७५ हजार, साउदी अरबबाट २० हजार, संयुक्त अरब इमिरेट्स (यूएई)बाट १२ हजार, कुवेतबाट नौ हजार, बहराइनबाट तीन हजार पाँच सय र ओमानबाट पाँच सय श्रमिक तत्काल फिर्ता गर्नुपर्ने मन्त्रालयले जनाएको छ। विभिन्न सात देशमा गएका नेपालीको संख्या १३ लाख ४८ हजार ८ सय ७२ रहेको छ । जसमा २ लाख ८० हजारले कोरोनाका कारण रोजगारी गुमाएर फर्किने आँकलन मन्त्रलायले गरेको छ। 
सरकारले विदेशबाट फर्किन चाहने नेपालीका लागि उद्धार संयन्त्र बनाएको छ। यसमा स्वदेश फिर्ता व्यवस्थापन समिति बनाउने र त्यसबाट उद्धारका लागि काम गर्ने तयारी गरेको छ । श्रम, परराष्ट्र, गृह, पर्यटन, स्वास्थ्य, सङ्घीय मामिला तथा अन्य विभागको सहभागितामा यस्तो समिति बन्नेछ। 
यद्यपि मन्त्रलायले भारतमा रोजगारीमा गएका नेपालीहरुको तथ्यांक भने समेटेको छैन्।
CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: