• अर्थ सरोकार सम्बाददाता 

काठमाडौँ । काठमाडौँको महानगरीय प्रहरी वृत्त कालीमाटी र सोही क्षेत्रमा कार्यरत ११६ प्रहरीको कोरोना नेगेटिभ आएको छ।

वृत्तमा कार्यरत दुई प्रहरीमा कोरोना संक्रमण देखिएपछि वृत्त, महानगरीय ट्राफिक प्रभाग कालीमाटी र संक्रमितको सम्पकमा आएका २३१ प्रहरीको पीसीआर परीक्षणमा लागि स्वाब संकलन गरिएको थियो। वृत्त पनि सिल गरिएको छ।

तीमध्ये ११६ जनाको रिपोर्ट नेगेटिभ आएको र थप ११५ जनाको रिपोर्ट आउन बाँकी रहेको महानगरीय प्रहरी परिसर काठमाण्डौका एसएसपी श्यामलाल ज्ञवालीले बताए । संक्रमितको सम्पर्कमा आएका सबै प्रहरी कार्यालयमै क्वारेन्टाइनमा छन्। कालीमाटी क्षेत्रको सुरक्षा जिम्मेवारी अन्य प्रहरी युनिटले गर्दै आएका छन्।