- अर्थ सरोकार सम्बाददाता
विराटनगर – शुक्रबार थप ८ जना व्यक्ति डिस्चार्ज हुने भएका छन् । विराटनगरको कोरोना विषेश अस्पतालबाट शुक्रबार थप ८ जना कोरोना जितेर डिस्चार्ज हुने भएका हुन् । पछिल्लो ३ पटक गरिएको कोरोना परीक्षणमा रिपोर्ट नेगेटिभ आएपछि ८ जनालाई डिस्चार्ज गर्ने तयारी अस्पतालले गरेको हो ।
योसँगगै नेपालमा हालसम्म कोरोना जित्नेको संख्या ३० पुग्नेछ । शुक्रबार डिस्चार्ज हुने सबै उदयपुरको त्रियुगा नगरपालिका ३ भुल्के व्यक्तिहरु हुन् । सोही स्थानमा कोरोना संक्रमण पुष्टि भएका ६ जना बुधबार डिस्चार्ज भएका थिए । डिस्चार्ज भएसँगै विराटनगरबाट छुट्नेको संख्या १४ पुग्नेछ । झापाका २, भोजपुरका १ र उदयपुरका ८ गरी कोरोना विषेश अस्पतालमा ३१ जना संक्रमितले उपचार गराइरहेका थिए । सबैको स्वास्थ्य अवस्था समान्य रहेको छ ।
नेपालमा संक्रमितको संख्या १०१ पुगेको छ भने उनीहरुको विभिन्न अस्पतालमा उपचार भइरहेको छ।
