• अर्थ सरोकार सम्बाददाता 

भैरहवा – व्यवसायी कृष्ण शाक्यले प्रदेश नं ५ सरकारले स्थापना गरेको कोरोना रोकथाम तथा उपचार कोषमा दश लाख जम्मा गरेका छन् । उनले आइतबार मुख्यमन्त्री शंकर पोखरेललाई सो रकम बराबरको चेक हस्तान्तरण गरेका हुन् ।

भैरहवास्थित तेजभक्त इन्टरनेशनलका सञ्चालक शाक्यले कोरोना महामारीविरुद्ध सबै मिलेर अघि बढ्दा मात्रै सफल हुन सकिने बताए । प्रदेश सरकारले स्थापना गरेको कोषमा अहिलेसम्म १४ करोड जम्मा भएको छ । कोषमा प्रदेश सरकारले दश करोड जम्मा गरेको थियो । सो कोषको रकम कोरोना उपचारमा खर्च भइरहेको छ । प्रदेश सरकारले चार कोरोना अस्पताल बनाएर कोरोना सङ्क्रमितको उपचार गरिरहेको छ ।