![](https://1.bp.blogspot.com/-MpU4NKFpA0A/XqLXnukz1sI/AAAAAAAAJEI/7PW_C6zIBRMrSYGUCyBLLfm9BUZkoLETACLcBGAsYHQ/s1600/2.gif)
- अर्थ सरोकार सम्बाददाता
काठमाडौँ । प्रहरीले काठमाडौं उपत्यकाबाट शुक्रबार दिउँसोसम्म लकडाउन उल्लंघन गर्ने ४ सय १६ वटा सवारीसाधन नियन्त्रणमा लिएको छ। महानगरीय ट्राफिक प्रहरी कार्यालयले उक्त गाडी नियन्त्रणमा लिएको हो ।नियन्त्रणमा लिइएकामध्ये ३८२ वटा दुई पाङ्ग्रे र ३४ वटा चार पाङ्ग्रे साधन छन् ।
शुक्रबार लकडाउनको ६० दिन पुगेको छ। गत चैत ११ गतेदेखि लागू गरिएको लकडाउन पटक पटक थप गरी यही जेठ १५ सम्म कायम गरिएको छ। लकडाउन लम्बिँदै जाँदा जनजीवन प्रभावित बनेको छ । शुक्रबारसम्म देशभर ४८७ जनामा कोरोना संक्रमण पुष्टि भएको छ। संक्रमित मध्ये तीन जनाको मृत्यु भइसकेको छ।