• अर्थ सरोकार सम्बाददाता 

काठमाडौँ । सेयर बजार लकडाउन अवधिभर बन्द हुने भएको छ । नेपाल धितोपत्र बोर्डले पटक-पटक निर्देशन दिनु नपर्ने गरी पछिल्लो समय निर्देशन दिएकाले लकडाउन अवधिभर सेयर बजार बन्द हुने भएको हो । सोही निर्देशनको आधारमा नेपाल स्टक एक्सचेन्जले लकडाउन अवधिभर कारोबार बन्द गर्ने जनाएको छ । 

शनिबार बसेको मन्त्रिपरिषद् बैठकले लकडाउन जेठ ३२ गतेसम्म लम्ब्याउने निर्णय गरेको छ । यस्तै आन्तरिक तथा अन्तर्राष्ट्रिय हवाई उडान पनि असार १६ गतेसम्म स्थगित गर्ने निर्णय गरेको छ भने सीमा नाकाहरु पनि सोही अवधिसम्म बन्द गर्ने निर्णय भएको छ ।