• अर्थ सरोकार सम्बाददाता 

काठमाडौं । बिहिबार बिहानै उपत्यकामा लकडाउन उल्लङ्घन गर्ने २७ सय गाडीलाई नियन्त्रणमा लिइएको छ ।उपत्यकामा कोरोना भाइरस संक्रमणले जोखिम बढाइरहेका बेला लकडाउन उल्लंघन गर्दै चलेका २७ सय गाडीलाई प्रहरीले नियन्त्रणमा लिएको हो । 

उपत्यकाका विभिन्न ठाउँबाट यी गाडीलाई नियन्त्रणमा लिएको महानगरीय ट्राफिक प्रहरी महाशाखाले जानकारी दिएको छ । महाशाखाका अनुसार लकडाउन उल्लङ्घन गर्नेमा दुई पाङग्रे गाडी धेरै छन् । लकडाउन उल्लंघन गर्दै विहानै सडकमा निस्किएका २६ सय वटा दुई पाङग्रे र एक सय वटा चार पाङग्रे गाडी नियन्त्रणमा लिइएको ट्राफिक प्रहरीले जनाएको छ । कोरोना भाइरसको जोखिम बढेसँगै सरकारले लकडाउनलाई कडा पारेको छ ।