NABIL AD

सातै प्रदेशका फोटो समाचार : लकडाउनको ४६औँ दिन सातै प्रदेशमा देखिए यस्ता गतिविधि (फोटो-कथा)

GARIMA BANK
काठमाडौँ – देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । सातै प्रदेशमा आज के के भयो ? यी दृश्यहरु आफैं बोलिरहेछन् । आजको अंकमा हामीले भीरकोट नगरपालिकाले स्थापना गरेको राहत कोषमा नगरप्रमुख खनालले गरेको सहयोगदेखि सामाजिक दूरी कायम नगरी मल लिन बसेको किसानसम्मका दृश्यको फोटो समाचार समेटेका छौं ।
हेरौं सातै प्रदेशका फोटो समाचार :
भीरकोट नगरपालिकाका प्रशासकीय प्रमुख राजेन्द्रप्रसाद पौडेललाई शुक्रबार नगरपालिकाले स्थापना गरेको राहत कोषमा नगरप्रमुख छायाराम खनालले राहतस्वरुप रु एक लाख ९१ हजार १५७ को चेक हस्तान्तरण गर्दै । 
पोखराको फेवाताल किनारामा बकुल्ला प्रजातिको चराको जोडी । मंगोलियालगायत स्थानबाट चैतवैशाखका समयमा आउने यी चरा झण्डै तीनचार महिना बिताएर पुनः फर्कन्छन् । 
कोभिड–१९ सङ्क्रमण रोक्न सरकारले जारी गरेको लकडाउनका कारण समस्यामा परेका असङ्गठित क्षेत्रका मजदुर काठमाडौँको जोरपाटीस्थित नारायणटार युवा क्लबले सञ्चालन गरेको मेसमा खाना खाँदै । मेस भोलिदेखि बन्द गर्र्ने स्थानीय नगरपालिकाको निर्णयले मजदुर चिन्तित छन् । 
नेपाल कम्युनिष्ट पार्टी (नेकपा)का नेता माधवकुमार नेपाल शुक्रबार तराई विकास तथा सञ्चार केन्द्र नेपालले आयोजना गरेको राहत वितरण कार्यक्रममा राहत वितरण गर्दै । 
लकडाउनका कारण पैसा सकिएर समस्यामा परेका चिनियाँ पर्यटक प्लेकार्डसहित सिहंदरबार अगाडि आफ्नो देश फर्कन माग गर्दै । 
कैलालीको घोडाघोडी नगरपालिका–१ सुखडस्थित सहकारीमा मल लिन लाइनमा बसेका किसान । कोरोना भाइरसको सङ्क्रमण नफैलियोस् भनी सरकारले लागू गरेको लकडाउन अवधिमा कृषकले सामाजिक दूरी कायम गरेको देखिन्न। 
लकडाउन उल्लङ्घन गरी शुक्रबार कैलालीको घोडाघोडी नगरपालिका–१ सुखड सडकमा हिँडेका सर्वसाधारण । 
बेनीदेखि पर्वतको जलजला गाउँपालिकाको मल्लाज जोड्ने बेनी–मल्लाज सडक अन्तर्गत माइनडाँडाको उकालोमा सडक सुधारका लागि ढुङ्गा बिछ्याएर सोलिङ गरिँदै । 
म्याग्दीको बेनी नगरपालिका–४ मा हरियाली ग्रुपद्वारा सञ्चालित कृषि फार्ममा पालिएका कालिजका चल्ला । यो फार्ममा ५०० वटा कालिजका चल्ला पालिएको छ । 
कञ्चनपुरको जोनापुरका किसान मल्चिङ प्रविधिको प्रयोग गरी बारीमा लगाइएको तितेकरेलाको रेखदेख गर्दै । झारपात नआउने रोग, कीराको समस्या धेरै नहुने हुँदा कृषकले यो प्रविधिलाई अपनाउँदै आएका हुन् । 
जोनापुरका किसान बारीमा लगाएको खुर्सानीका बोटमा गोडमेल गरी मल राख्दै । बजारमा मूल्य राम्रो पाउन थालेपछि खुर्सानी खेतीतर्फ कृषक आकर्षित भएका छन् । 
साना किसान कृषि सहकारी संस्था मलेखु साङ्लामा तरकारी बिक्री गर्न ल्याउँदै कृषक । धादिङमा उत्पादित तरकारी सहकारीले सङ्कलन गरी काठमाडौँ, पोखरा, नारायणघाटलगायत सहरमा बिक्रीका लागि पठाउँछन् । लकडाउनका कारण उत्पादित सबै तरकारी नबिक्ने र बिके पनि राम्रो मूल्य नपाउँदा किसान मर्कामा छन् ।
भेरी नगरपालिका –१ पिपेका ७३ वर्षीय वीरे र उहाँकी धर्मपत्नी ७१ वर्षीया जैमती बस्नेत यार्सन नेपालले वितरण गरेको राहत लिएर घरतर्फ जाँदै ।

MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2022.

Artha Sarokar® Trademark Registered. Regd. No. : 047796

Maintained By : Eservices Nepal