- अर्थ सरोकार सम्बाददाता
काठमाडौं । काठमाडौं बालाजुस्थित माछापोखरी क्षेत्रमा दुई दिनअघि गरिएको आरडीटी परीक्षणमा १५ जनाको रिपोर्ट पोजेटिभ आएपनि पीसीआर नतिजा भने नेगेटिभ आएको छ । काठमाडौं महानगरपालिका वडा नम्बर १६ का वडाध्यक्ष मुकुन्द रिजालले आज आएको रिपोर्टमा आरडीटीमा पोजेटिभ आएकाहरुको पीसीआरमा भने नेगेटिभ आएको बताए ।
रिपोर्टसँगै आफ्नो वडाका नागरिक आत्तिनु पर्ने अवस्था नदेखिएको उनले बताए । यद्यपि सबै सावधान हुँदै कोरोनाविरुद्धको लडाइमा एकताबद्ध हुन अनुरोध गरे । आइतवार माछापोखरी क्षेत्रमा १७२ जनाको पिसिआर र ४२० जनाको आरडिटी विधिद्वारा कोरोना परीक्षण गरिएको थियो । जसमा अहिले सबैको रिपोर्ट नेगेटिभ आएको हो ।
प्रतिक्रिया दिनुहोस्