- अर्थ सरोकार सम्बदाताता
काठमाडौँ । मन्त्रिपरिषद्को बैठक बिहिबार दिउँसो २ बजे बस्ने भएको छ । संसदमा आगामी आर्थिक बर्षका लागि बजेट प्रस्तुत गर्नुअघि मन्त्रिपरिषद्को बैठक बस्न लागेको हो । बजेट प्रस्तुत गर्नुअघि मन्त्रिपरिषद्बाट स्वीकृति लिनुपर्ने व्यवस्था छ । सोही व्यवस्थाअनुसार मन्त्रिपरिषद् बैठक डाकिएको हो ।
मन्त्रिपरिषद्को बैठकमा कोरोना भाइरस नियन्त्रण, जारी लकडाउनलगायतका विषयमा छलफल हुँदैछ ।त्यसअघि प्रधानमन्त्री केपी शर्मा ओली दिउँसो १ बजे राष्ट्रिय योजना आयोगको बैठकमा सहभागी हुने उनका प्रेस सल्लाहाकार सूर्य थापाले बताए ।
यस्तै ४ बजे संसद भवन नयाँ बानेश्वरमा अर्थमन्त्री डा. युवराज खतिवडाले बजेट वक्तव्य प्रस्तुत गर्ने कार्यक्रम समेत रहेको छ ।
