">
- अर्थ सरोकार सम्बाददाता
काठमाडौं – मेरो माइक्रोफाइनान्स लघुवित्त वित्तीय संस्थाले आर्थिक वर्ष २०७६/७७ को तेस्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाले ९ करोड ५८ लाख रुपैयाँ खुद नाफा कमाएको छ । यो नाफा गत वर्षको सोहि अवधिको तुलनामा १४.३१% कम हो । गत वर्ष यस कम्पनीले ११ करोड १८ लाख रुपैयाँ खुद नाफा कमाएको थियो ।
यता, संस्थाका खुद ब्याज आम्दानी बढेको छ भने सञ्चालन नाफा घटेको छ । बैंकको खुद ब्याज आम्दानी भने २१.७१% ले बढेर ३१ करोड ४१ लाख रुपैयाँ पुगेको छ । गत वर्ष यसले २५ करोड ८१ लाख रुपैयाँ खुद ब्याज आम्दानी गरेको थियो । कम्पनीले सञ्चालन नाफा भने १७ करोड ५७ लाख रुपैयाँबाट घटेर १२ करोड १५ लाख रुपैयाँमा झरेको छ ।
हाल यसको चुक्ता पुँजी ८५ करोड ५१ लाख रुपैयाँ रहेको छ भने रिजर्भ कोषमा २४ करोड ५२ लाख रुपैयाँ छ । मेरोको खराब कर्जा भने घटेको छ । गत वर्ष २.०५% रहेको यसको खराब कर्जा यो त्रैमासमा घटेर १.९०% कायम भएको छ । प्रतिसेयर आम्दानी १४ रुपैयाँ ९४ पैसा (वार्षिक) रहेको कम्पनीको प्रतिसेयर नेटवर्थ भने १३३ रुपैयाँ ३६ पैसा छ ।
