• अर्थ सरोकार सम्बाददाता 

काठमाडौं । नेपालमा कोरोना संक्रमण जित्नेको संख्या ७० पुगेको छ । आज नेपालगन्जका २१ जना कोरोना संक्रमित निको भएर घर फर्किएसंगै कोरोना जित्नेको संख्या ७० पुगेको हो । 

आज निको हुनेमा नेपालगन्जका कूल संक्रमितमध्ये पहिलो कोरोना संक्रमित ६० वर्षीय वृद्धसहित २१ जना रहेका छन् । नेपालगन्जमा पहिलो पटक वैशाख १९ गते ६० वर्षीय पुरुषमा कोरोना संक्रमण देखिएको थियो भने कन्ट्रयाक्ट ट्रेसिङको आधारमा स्वाब परीक्षण गर्दा २३ वैशाखमा एकैसाथ २२ जनामा कोरोना पुष्टि भएको थियो।