- अर्थ सरोकार सम्बाददाता
काठमाडौं । चिकित्सकलाई दुर्ब्यबहार गरेको आरोपमा नागढुंगा नाकामा खटिएका एक स्वयंसेवी पक्राउ परेका छन् । बागमती प्रदेशका जनस्वास्थ्य प्रयोगशालाका निर्देशक डा. नारायण कार्कीलाई दव्र्यवहार गरेको आरोपमा चन्द्रगिरिका उत्तम कार्की पक्राउ परेका हुन् ।
काठमाडौं प्रहरी परिसर, टेकुका प्रमुख एसएसपी श्यामलाल ज्ञवालीले उनलाई पक्राउ गरिएका हुन् । कार्कीविरूद्ध अभद्र व्यवहारको कसूर सम्बन्धी अभियोगमा कारबाही प्रक्रिया अघि बढ्ने प्रहरी परिसरले जानकारी दिए ।
कोरोना संक्रमणको जोखिम नियन्त्रणका लागि खटिएको भन्दै शुक्रबार दिउँसो उनीलगायतले बागमती प्रदेशका जनस्वास्थ्य प्रयोगशालाका निर्देशक डा। नारायण कार्कीलाई दुर्व्यवहार गरेका थिए ।
