- अर्थ सरोकार सम्बाददाता
काठमाडौं । आगामी आर्थिक वर्ष २०७७/७८ को बजेटका विषयमा छलफल गर्न राष्ट्रिय योजना आयोगको पूर्ण बैठक बिहीबार (आज) दिउसो बस्ने भएको छ । आयोगका अध्यक्ष प्रधानमन्त्री केपी शर्मा ओलीको अध्यक्षतामा बालुवाटारमै २ बजेका लागि बैठक राखिएको आयोगका एक सदस्यले जानकारी दिए ।
बैठकमा अर्थमन्त्री डा. युवराज खतिवडाले आगामी आर्थिक वर्षको बजेट (आम्दानी र खर्च) को प्रक्षेपण राख्नेछन् । प्रधानमन्त्रीले चाहे त्यहाँ केही संशोधन हुने नभए त्यहाँबाट पारित भए पछि बजेटलाई मन्त्रिपरिषदमा पठाइनेछ । बिहीबारै बस्ने मन्त्रिपरिषद् बैठकले पारित गरेपछि अर्थमन्त्री खतिवडाले आगामी आर्थिक वर्षका लागि संघीय संसदको संयुक्त सदनमा बजेट प्रस्तुत गर्नेछन् । संयुक्त सदनको बैठक ४ बजे राखिएको छ ।
बजेटा भाषण सकिए लगत्तै बिहीबार ६ बजे नै प्रतिनिधिसभाको अर्को बैठक समेत बस्दैछ । कोरोना महामारीका बीचमा आउने बजेटले स्वास्थ्य र कृषिलाई विशेष प्राथमिकता दिने सरकारले बताउदै आएको छ ।
