• अर्थ सरोकार सम्बाददाता 

काठमाडौं । सेयर कारोबार पनि जेठ ५ गतेसम्म बन्द हुने भएको छ । सरकारले लकडाउनको अवधि जेठ ५  सम्म बढाएसँगै सेयर कारोबार पनि सोहि अवधिसम्म बन्द हुने भएको हो ।

यसअघि पनि नेपाल सरकारले गरेको निर्णयसंगै नेपाल धितोपत्र बोर्डले बैशाख २५ गतेसम्म सेयर कारोबार बन्द गरेको थियो । बुधबार बसेको मन्त्रिपरिषद्को बैठकले लकडाउनको समय जेठ ५ सम्म पुर्याएको छ । धितोपत्र बोर्डका अध्यक्ष भीष्मराज ढुंगानाले पनि लकडाउन अवधिभर सेयर कारोबार नहुने बताए । 

नेपालमा बुधबार मात्रै १७ जना कोरोना संक्रमितको व्यक्तिहरु थपिएका छन् । कोरोना संक्रमितको कुल संख्या ९९ पुगेको छ ।