- अर्थ सरोकार सम्बाददाता
काठमाडौँ – कम्पनी रजिस्ट्रारको कार्यालयले कम्पनीहरुले पेश गर्नुपर्ने विवरण बुझाउने म्याद थप गरेको छ । गत आइतबार बसेको मन्त्रिपरिषद्को बैठकले कोरोना भाइरस कारण प्रभावित बनेका क्षेत्रहरूको लागि राहत, कर छुट तथा सुविधा स्वीकृत गर्दै विवरण बुझाउने अवधि थप गरेको हो ।
जसअनुसार कम्पनी रजिस्ट्रारको कार्यालयले पनि उक्त अवधि थप गरेको हो । अब कम्पनीहरुले पेश गर्नुपर्ने विवरण वा प्रतिवेदन २०७७ जेठ मसान्तसम्म बुझाउन सक्नेछन् । साथै कार्यालयले मागेको विवरण पेश गर्ने म्याद पनि सोही अवधिसम्म कायम भएको कम्पनी रजिस्ट्रारको कार्यालयले जनाएको छ ।
