- अर्थ सरोकार सम्बाददाता
काठमाडौँ – मंगलबार नेपालमा थप ५७ जनामा कोरोना संक्रमण पुष्टि भएको छ । जसमा पर्सामा मात्रै ३९ जना भेटिएका हुन् । उनीहरु सबै वीरगञ्ज महानगरपालिका छपकैयका रहेको खुलेको हो । यसअघि छपकैयाका एकै परिवारका १७ जनामा कोरोना संक्रमण देखिएको थियो ।
त्यसपछि उक्त स्थानमा ६ सय जनाको नमुना संकलन गरिएको थियो । काठमाडौँमा गरिएको परिक्षणमा ३९ जनामा कोरोना पुष्टि भएको हो । सबै परिक्षण नसकिएकोले संक्रमितिको संख्या अझै बढ्न सक्ने बताइएको छ ।
छपकैया वस्ती महानगरको १ , २ र ३ गरी ३ वटा वडामा फैलिएको महानगरका मेयर विजयकुमार सरावगीले जानकारी दिए । यसअघि देखिएका कोरोना संक्रमितलाई नारायणी उपक्षेत्रिय अस्पतालमा राखिने गरिएको भएपनि त्यहाँ स्थान अभाव भएको मेयर सरावगीले बताए ।
अहिले देखिएका संक्रमितलाई सिदार्थ माध्यामिक विद्यालयमा रहेको सेमी आइसोलेसनमा राखिने बताए । उनीहरुलाई कहाँ राख्ने भन्ने बारे छलफल भइरहेको पनि मेयर सरावगीले जानकारी दिए । आज फेला परेकासहित नेपालमा कोरोना संक्रमितको संख्या १९१ पुगेको छ ।
