• अर्थ सरोकार सम्बाददाता 

काठमाडौं । कोरोना आशंका गरिएका एक व्यक्तिको पाटन अस्पतालमा मृत्यु भएको छ । स्वास्थ्य विज्ञान प्रतिष्ठान पाटन अस्पतालमा आइसोलेसन वार्डमा उपचार गराइरहेका उनको कोरोना रिपोर्ट नेगेटिभ आएको अस्पतालका निर्देशक डाक्टर विष्णुप्रसाद शर्माले बताए । 

उनले बिरामीको कोरोनाका कारण नभई अन्य कारणले मृत्यु भएको जानकारी दिए । उनको मृत्युको कारण खुल्न नसकेको डाक्टर शर्माले जानकारी दिए । मृतकको परिचय खुलाइएको छैन् ।