- अर्थ सरोकार सम्बाददाता
काठमाडौं । चीन सरकारले नेपाल सरकारलाई मेडिकल सामग्री हस्तान्तरण गरेको छ । सोमबार स्वास्थ्य तथा जनसंख्या मन्त्रालयमा एक कार्यक्रम गरी चिनियाँ राजदुत होउ यान्छीले स्वास्थ्य तथा जनसंख्या मन्त्री भानुभक्त ढकाललाई उक्त स्वास्थ्य सामाग्री हस्तान्तरण गरेकी हुन् ।
चीनले नेपाललाई ४० हजार पीसीआर टेस्ट कीट, एन ९५ मास्क २० हजार थान, सर्जिकल मास्क ८ लाख, डिस्पोजेबल कभरल १० हजार थान उपलव्ध गराएको हो । कार्यक्रममा चीनका लागि नेपाली राजदुत यान्छीले संकटको समयमा नेपालले चीनलाई गरेको सहयोगको कदर गर्दै आफुहरुले पनि यस रोगथामको समयमा सहयोग गर्न पाउदा खुसी व्यक्ति गरिन ।
यता हतान्तरण कार्यक्रममा बोल्दै स्वास्थ्य तथा जनसंख्या मन्त्री ढकालले चीनले सधैं नेपाललाई अप्ठ्यारो परेका बेला सहयोग गर्दै आएको र आपतमा सहयोग गर्ने नै असल छिमेकी भएको भन्दै चीनको प्रशंसा गरे ।
