काठमाडौँ – देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । सातै प्रदेशमा आज के के भयो ? यी दृश्यहरु आफैं बोलिरहेछन् । आजको अंकमा हामीले बैंकमा आएका सेवाग्राहीहरुले सामाजिक दुरी कायम नगरेकोदेखि सुदुरपश्चिम प्रदेशको दार्चुलाबाट प्रदेश नं २ को सप्तरी जान कैलालीको अत्तरियामा आइपुगेका सर्वसाधारणसम्मका दृश्यको फोटो समाचार समेटेका छौं ।

बेनी नगरपालिका– २ बगरफाँटका किसान डेकबहादुर कार्कीले व्यावसायिक रुपमा केसी पोल्ट्री फर्ममा  पालेका कुखुरा । फर्ममा दुई हजार ब्रोइलर कुखुरा छन्  । लकडाउनका कारण बजारमा कुखुराको माग कम भएको र उचित मूल्य नपाएपछि कार्की चिन्तित छन् ।