काठमाडौँ – देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । सातै प्रदेशमा आज के के भयो ? यी दृश्यहरु आफैं बोलिरहेछन् । आजको अंकमा हामीले धौलागिरि अञ्चल अस्पताल बागलुङलाई फुल वडी सेनिटाइज टनेल हस्तान्तरण गरेकोदेखि लकडाउनका कारण बजार नपाएपछि गोदाममै सडेका केरासम्मका दृश्यको फोटो समाचार समेटेका छौं ।

हेरौं सातै प्रदेशका फोटो समाचार :

धौलागिरी अञ्चल अस्पताल बागलुङलाई बागलुङ केबल टिभीका सञ्चालक राजकुमार श्रेष्ठ र मनोज श्रेष्ठले निःशुल्क हस्तान्तरण गरिएको फुल्ली अटोमेटिक फुल वडी सेनिटाइज टनेल ।

बन्दाबन्दीको समयमा पाल्पाको सदरमुकाम तानसेनबाट भैरवस्थान पुग्ने सडक स्तरोन्नतिको काममा व्यस्त कामदार ।झापाको बिर्तामोड– भद्रपुर सडकखण्ड निर्माण गर्दै मजदुर । कोरोना भाइरसको सङ्क्रमण फैलिन नदिन ६ सातादेखि मुलुक लकडाउन भए पनि सडक निर्माणाधीन छ ।