काठमाडौँ । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । सातै प्रदेशमा आज के के भयो ? यी दृश्यहरु आफैं बोलिरहेछन् । आजको अंकमा हामीले राष्ट्रपति विद्यादेवी भण्डारीसमक्ष नेपाल सरकारको वार्षिक प्रतिवेदन पेस गरिएको देखि म्याग्दीको बेनी नगरपालिका–८ कालीपुलदेखि अस्पताल जोड्ने सडकमा ढल व्यवस्थापनका लागि नाला निर्माण गर्दै मजदुरसम्मका दृश्यको फोटो समाचार समेटेका छौं ।

लकडाउनसँगै रोकिएको तुलसीपुर–४ रक्षाचौरस्थित राप्ती आँखा अस्पतालको बहिरङ्ग विभाग, ओपीडी भवनको निर्माण शुरु भएको छ । निर्माणाधीन भवनको आइतवार नगरप्रमुख घनश्याम पाण्डे लगायत अनुगमन गर्दै । रु पाँच करोड २९ लाखको लागतमा निर्माण सुरुभएको ओपीडी भवनमा हाल सम्म रु दुई करोड बढी खर्च भएको छ भने प्रदेश सरकार बाट अनुदान प्राप्त रु ५० लाख रकमबाट दोस्रो तलाको ढलान हुन लागेको छ ।

भेरी नगरपालिका–३ स्थित भेरी ज्ञानोदय क्याम्पसमा क्वारेन्टाइनमा राखिएका सर्वसाधारण । 

प्रदेश नं २ सरकारले किनेको दुई नयाँ पिसिआर मेशिन राजविराजस्थित गजेन्द्रनारायण सिंह  अस्पतालमा ल्याइएको छ । सप्तरीमा सङ्कलन गरिएको स्वाब परीक्षणका लागि  पिसिआर मेशिन ल्याएको हो ।