">
- अर्थ सरोकार सम्बाददाता
पर्सा । मंगलबार पर्सामा कोरोना भाइरस पुष्टि भएका ३९ जनामध्ये १४ जना बाग्लुङ गलकोटबाट गएको पाईएको छ । १४ जना लकडाउनमा बाग्लुङमा काम रोकिएपछि एउटा बसमा पर्सा फर्किएको पाइएको हो । उनीहरु हटिया बजार क्षेत्रमा फर्निचर उद्योग, घर बनाउने काम गर्दै आएका थिए ।
उनीहरुसंगै बसमा ४२ जनाले यात्रा गरेका थिए । यीमध्ये ६ जना भारतीय नागरिक पनि भएको खुलेको छ । भारतीय नागरिकहरु त्यहाँबाट भारत गइसकेका बताइएको छ । उनीहरु पर्सा पुगेपछि गाउँपालिकाले मंगल माविको क्वारेन्टाइनमा राखेको थियो । उनीहरुले दैनिकी चलाउन समस्या भएको गुनासो गरेपछि नगरपालिकाले गृह जिल्ला पठाएको हो ।
क्वारेन्टाइमा भएका ६२ जनाको स्वाब परीक्षण गर्दा १४ जनाको पोजेटिभ आएको हो । तर, उनीहरुमा कुनै लक्षण देखिएको थिएन । अब कोरोनाभाइरस संक्रमितहरुलाई नारायणी अस्पतालको आइसोलेसनमा पठाउने तयारी भएको छ ।
