- अर्थ सरोकार सम्बाददाता
काठमाडौँ । कुमारी बैंक लिमिटेडले चालु आर्थिक वर्षको तेस्रो त्रैमासको वित्तीय विवरण सार्वजनिक गरेको छ । बैंकले सार्सवजनिक गरेको विवरण अनुसार बैंकका अधिकांश सूचकमा सुधार देखिएको छ भने बैंकले सो अवधिसम्ममा १ अर्ब १ करोड रुपैयाँ खुद नाफा कमाउन सफल भएको छ । बैंकले सो अवधिमा कमाएको नाफा अघिल्लो आर्थिक बर्षको सोहि अवधिको तुलनामा ९४ लाख २४ हजार रुपैयाँले बढी हो । गत आवको सोही अवधिसम्ममा बैंकले १ अर्ब ३२ लाख रुपैयाँ खुद नाफा कमाएको थियो।
प्रकाशित विवरण अनुसार समिक्षा अवधिमा बैंकको खुद ब्याज आम्दानी ५१ करोड ९६ लाख रुपैयाँ बढेर २ अर्ब ७५ करोड रुपैयाँ पुग्न सफल भएको छ । समीक्षा अवधिमा बैंकको सञ्चालन मुनाफा ६ करोड २ लाख रुपैयाँ बढेर १ अर्ब ४८ करोड पुगेको छ । बैंकको निष्क्रिय कर्जा १.४१ प्रतिशतबाट घटेर ०.९८ प्रतिशतमा सीमित भएको छ। चैत मसान्तसम्ममा बैंकको वितरण योग्य मुनाफा ४ करोड ५० लाख रुपैयाँ रहेको छ ।
समीक्षा अवधिमा बैंकको कर्मचारी खर्च ४८ करोड ११ लाख रुपैयाँ बढेर १ अर्ब १२ करोड पुगेको छ । दर्जनौं कर्मचारीहरुलाई बैंकबाट भीआरएसका नाममा निकाल्दा यस्तो खर्च बढेको हो ।
जगेडा कोषमा ३ अर्ब ५ करोड रुपैयाँ रहेको छ भने शेयरधनी कोषमा ६ करोड ९२ लाख रुपैयाँ रहेको छ।
९ अर्ब ५५ करोड रुपैयाँ चुक्ता पूँजी रहेको यस बैंकको बैंकको प्रति शेयर आम्दानी १४ रुपैयाँ १३ पैसा छ, जुन अघिल्लो आर्थिक बर्षको सोही अवधिको तुलनामा १ रुपैयाँ २७ पैसा कम हो । बैंकको मूल्य आम्दानी अनुपात १२.५२ गुणा कायम भएको छ भने प्रतिशेयर नेटवर्थ १७७ रुपैयाँ रहेको छ।
