- अर्थ सरोकार सम्बाददाता
काठमाडौँ – कतारमा पछिल्लो २४ घण्टामा ९१८ कोरोना संक्रमित थपिएका छन् । कतारको स्वास्थ्य मन्त्रालयका अनुसार कतारमा हालसम्म १२ जना कोरोना संक्रमितको मृत्यु भएको छ । हालसम्म कतारमा कुल कोरोना संक्रमितको संख्या १६ हजार ५९२ पुगेको छ ।
त्यसैगरी दुई हजार २८६ कोरोना संक्रमितको उपचारपछि अस्पतालबाट डिस्चार्ज गरिएको छ भने पछिल्लो २४ घण्टामा २१६ जनाको उपचार गरिएको छ । हालसम्म कतारमा एक लाख १६ हजार ४९५ जनाको कोरोना जाँच गरिएको छ । अहिलेसाम विश्वभर ज्यान गुमाउनेको संख्या २ लाख ६५ हजार नाघेको छ । यस्तै निको भएर फर्किनेको संख्या १३ लाख १४ हजार बढी रहेको छ भने ३४ लाख ४३ हजार धेरै व्यक्तिहरु सक्रमित बनेका छन् ।
