![](https://1.bp.blogspot.com/-D5sVhm7r5YU/XsTTeLOLAxI/AAAAAAAAKmg/N7F27VHxmaY4SLZMpF7ZK-czD4uNxEj6wCLcBGAsYHQ/s1600/2.jpg)
- अर्थ सरोकार सम्बाददाता
काठमाडौं । रामेछापका कोरोना संक्रमित व्यक्ति हाललै काठमाडौं आएको पाइएको छ । मंगलबार कोरोना पुष्टि भएका उनी वैशाख ३० गते काठमाडौं आएको पाइएको हो ।
उनी रामेछाप खाँडादेवी गाउँपालिका–१ का हुन् । काठमाडौँ आएपछि उनले कोरोना परीक्षण गर्न थ्रोट स्वाब दिएका थिए । उनको रिपोर्ट पोजेटिभ आएको छ । यता रामेछापस्थित उनको घर भएको क्षेत्रलाई पनि सिल गरिएको रामेछापका प्रमुख जिल्ला अधिकारी रुद्रादेवी शर्माले जानकारी दिए । संक्रमित व्यक्तिका परिवारका ८ जना र सम्पर्कमा रहेका ७ जनाको थ्रोट स्वाब संकलन गरेर राष्ट्रिय जनस्वास्थ्य प्रयोगशाला पठाइएको छ ।