- अर्थसरोकार सम्बाददाता
घोराही । दाङको घोराहीस्थित राप्ती स्वास्थ्य विज्ञान प्रतिष्ठानमा १० शय्याको आईसीयु सेवा सुरु भएको छ । प्रदेश ५ का मुख्यमन्त्री शंकर पोखरेलले बुधबार आईसीयू उदघाटन गरे । प्रदेशसभा चुनाब जितेर मुख्यमन्त्री भएपछि पहिलोपटक प्रतिष्ठानमा पुगेका मुख्यमन्त्री पोखरेलले प्रतिष्ठानको विकास र हितका लागि सबै सहयोग गर्न तयार रहेको बताए ।
राप्ती स्वास्थ्य विज्ञान प्रतिष्ठानलाई पर्याप्त बजेट व्यवस्था गर्ने प्रतिबद्धता व्यक्त गर्दै उनले सबै दाङबासीले आ–आफ्नो ठाउँबाट प्रतिष्ठानलाई सहयोग गर्नुपर्ने बताए । कोरोना भाइरस परीक्षण गर्ने पीसीआर मेशिन प्रतिष्ठानमा भित्राउन सफल भएको भन्दै उनले उपकुलपति प्रा.डा.संगीता भण्डारीलाई धन्यवाद दिए ।
