• अर्थ सरोकार सम्बाददाता 

रौतहट । कोरोना भाइरस संक्रमितको विषयलाई लिएर रौतहटको इशनाथ नगरपालिकामा झडप भएको छ । नगरपालिका–७ को जोकाहास्थित अनवारुल इस्लामिक मदरसाको क्वारेन्टाइनमा राखिएका २ व्यक्तिलाई आइसोलेसनमा लैजाने विषयमा विवाद भएपछि शुक्रबार बिहान झडप भएको हो । सोही क्रममा प्रहरीले उक्त झडप नियन्त्रणमा लिन १२ राउण्ड हवाई फायर गरेको छ ।

जिल्ला प्रहरी कार्यालय, रौतहटका अनुसार दुई संक्रमितलाई अर्को स्थानमा रहेको आइसोलेसनमा लैजान पुगेका चिकित्सक र सुरक्षाकर्मीलाई स्थानीयले त्यहीँ राख्न माग गर्दै अवरोध गरेपछि झडप भएको हो । आक्रोसित स्थानीयले प्रहरीको गाडीमा तोडफोड समेत गरेका छन् ।