- अर्थ सरोकार सम्बाददाता
काठमाडौँ । भारतीय सुरक्षा एजेन्सीहरुले सामाजिक संजालमा असामाजिक तत्वहरुको सक्रियता बढेको निष्कर्ष निकालेका छन् । भारतका विभिन्न सुरक्षा एजेन्सीहरुले नेपालका सामाजिक संजालमा नेपाल-भारतको सम्बन्ध बिगार्ने तत्वहरु सक्रिय रहेको निष्कर्ष निकालेका हुन् । नेपाल र भारतबीच सम्बन्ध बिगार्ने, भड्काउने, तथ्यहीन सूचना र जानकारी प्रकशान र प्रशारण गर्नेगरी सक्रिय भएको एजेन्सी निकट स्रोतको दाबी छ ।
एजेन्सी स्रोतका अनुसार कुटनीतिक रुपमा समाधान गर्नुपर्ने कुरालाई प्रायोजित रुपमै गलत रुपमा प्रस्तुत गरिएको छ । यसले कसैको पनि हित नहुने निष्कर्ष निकाल्दै उनीहरुमाथि निगरानी बढाइएको छ । नेपाल र भारतबीचको सम्बन्धलाई लिएर उठेका कतिपय विषयलाई वार्ता र कुटनीतिको माध्यमबाट समाधान गर्नुपर्नेमा कसैको स्वार्थपूर्तिका लागि सामाजिक संजालमा भड्किलो प्रचार गर्नेहरुमाथि एजेन्सीहरुले निगरानी गरिरहेको स्रोतको भनाइ छ ।
बर्षौंदेखिको सुमधुर सम्बन्धलाई केहि विषयलाई लिएर उठेका समस्या ती तत्वहरुका लागि मागी खाने भाडोजस्तै भएको र यसले दीर्घकालीन रुपमा भारत वा नेपाल कसैलाई पनि फाइदा नपुग्ने भन्दै त्यस्ता उत्तेजक तत्वहरुमाथि निगरानी बढाइएको र यसको जानकारी सम्बन्धित निकायमा पुर्याउने काम भईरहेको एजेन्सी निकट स्रोतले बताएको छ ।
