• अर्थ सरोकार सम्बाददाता 

रुपन्देही ।  रुपन्देहीमा आइतबार थप ६ जनामा कोरोना संक्रमित व्यक्ति फेला परेका छन् । आइतबार प्रादेशिक जनस्वास्थ्य प्रयोगशाला, भैरहवामा गरिएको परीक्षणमा रुपन्देहीमा थप ६ जना पुरुषमा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिएका हुन् । 

संक्रमितहरु रुपन्देही समरीमाई गाउँपालिकाका–५ का ४० र ५० वर्षीय पुरुष, रुपन्देही–१ का ३२ वर्षीय पुरुष र रुपन्देहीकै गैडहवा गाउँपालिकाका २३, ३० तथा ४० वर्षीय पुरुष रहेका छन् । संक्रमित व्यक्तिको स्वास्थ्य अवस्था सामान्य रहेको र उनीहरु चिकित्सकको सम्पर्कमै रहेको प्रवक्ता देवकोटाले बताए।