- अर्थ सरोकार सम्बाददाता
काठमाडौं । रुसमा कोरोना भाइरसबाट संक्रमित हुने मानिसको संख्या दुई लाख ५२ हजार नाघेको छ । रुसले सार्वजनिक गरेको तथ्यांकअनुसार पछिल्लो २४ घण्टामा नौ हजार नौ सय ७४ नयाँ संक्रमित फेला परेका छन् । यससँगै रुसमा कोरोना भाइरसबाट संक्रमित हुनेको संख्या दुई लाख ५२ हजार नाघेको हो ।
रुसमा पछिल्लो १२ दिनमा पहिलो पटक नयाँ संक्रमितको संख्या १० हजारभन्दा कम देखिएको हो । रुस अमेरिका र स्पेनपछि सबैभन्दा धेरै संक्रमित भएको मुलुक हो । पछिल्लो २४ घण्टामा रुसमा ९३ जनाको कोरोना भाइरसको कारण मृत्यु भएको छ । यससँगै रुसमा कोरोना भाइरसबाट मृत्यु हुनेको संख्या पनि दुई हजार तीन सय पाँच पुगेको छ ।
