×

Live on

रेडियो अर्थ सरोकार

Listen to live radio.

सरकारको नीति तथा कार्यक्रम आज प्रस्तुत हुने, कूटनीतिज्ञलाई बोलाइएन

GLOBAL IME BANK
KAMANA SEWA BIKAS BANK

सरकारको नीति तथा कार्यक्रम आज प्रस्तुत हुने, कूटनीतिज्ञलाई बोलाइएन

२ जेष्ठ २०७७, शुक्रबार

पढ्न लाग्ने समय: १ मिनेटभन्दा कम

  • अर्थ सरोकार सम्बाददाता 
काठमाडौं । आज संघीय संसदमा सरकारको नीति तथा कार्यक्रम प्रस्तुत हुँदैछ । कोरोना संक्रमण रोकथाम तथा नियन्त्रणका लागि सरकारले ०७६ चैत ११ गतेदेखि लकडाउन सुरु गरेयता संघीय संसदमा आज हालसम्मकै ठूलो जमघट हुने छ । तर यो जमघटमा विगत वर्षजस्तो कूटनीतिक नियोगका प्रतिनिधिहरुलाई बोलाइएको छैन । कोरोना संक्रमणको जोखिम कारण दुरी कायम गरी बस्नु पर्ने बाध्यताका कारण स्थान अभाव भएपछि विदेशी राजदूतलगायतका कूटनीतिज्ञहरुलाई नबोलाइएको हो ।
सभामुख अग्निप्रसाद सापकोटाका प्रेस सल्लाहकार श्रीधर न्यौपानेले भने, ‘कोरोना संक्रमणका कारण विशेष परिस्थिति सिर्जना भएको पूर्वजानकारी गराउँदै यस वर्ष राजदूतलगायतका कूटनीतिक नियोगका प्रतिनिधिहरुलाई बोलाइएको छैन ।’
राष्ट्रपति विद्यादेवी भण्डारीले अपराह्न ४ बजे बस्ने संघीय संसदको बैठकमा सरकारको नीति तथा कार्यक्रम प्रस्तुत गर्नेछिन् । यस वर्ष संवैधानिक आयोगबाट पनि अध्यक्षलाई मात्र बोलाइएको छ । अघिल्ला वर्षहरुमा आयोगका सदस्यहरुलाई पनि बोलाउने गरिएकामा यस वर्ष अध्यक्षलाई मात्र बोलाइएको न्यौपानेले जानकारी दिए ।
आमन्त्रण गरिएका सबैले पीसीआर विधिबाट कोरोना परीक्षण गराएको रिपोर्ट पेस गर्नुपर्ने नियम छ । पीसीआर विधिबाट कोरोना परीक्षण गराउँदा नेगेटिभ रिपोर्ट आएकाले मात्र संसदको बैठक कक्षमा प्रवेश पाउने संसद सचिवालयका स्वास्थ्य इकाइ प्रमुख डा। पुष्प रिजालले जानकारी दिए ।
CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: