• अर्थ सरोकार सम्बाददाता 

जनकपुरधाम । शुक्रबार बिहान सर्लाहीमा मात्र १५ जनामा कोरोना संक्रमण पुष्टी भएको छ । स्वास्थ्य तथा जनसंख्या मन्त्रालयले १५ जनामा कोरोना संक्रमण पुष्टी गरेको हो ।

संक्रमित सबै भारतबाट लुकेर आएको पाइएको छ । सीमा क्षेत्रको चोरबाटो प्रयोग गरी गतसाता मात्रै उनीहरु सर्लाही छिरेको पाइएको हो । सर्लाहीको गोडैता नगरपालिकामा एक महिलासहित १४ जना र रामनगर गाउँपालिकाका एकजना पुरुषमा कोरोना संक्रमण पुष्टि भएको थियो । 

जिल्ला प्रवेश गरेपछि क्वारेन्टाइनमा राखिएका उनीहरुको बुधबार स्वाब संकलन गरी परीक्षण गर्दा कोरोना पुष्टि भएको थियो । संक्रमित सबैलाई प्रादेशिक अस्पताल जनकपुरधामको आइसोलेसनमा लग्ने प्रमुख जिल्ला अधिकारी जिसीले जानकारी दिए ।