×

Live on

रेडियो अर्थ सरोकार

Listen to live radio.

संसदमा चस्मा लगाएर जान नपाइने, हेर्नुहोस् यस्ता छन् अन्य निषेधित कुराहरु…

GLOBAL IME BANK
KAMANA SEWA BIKAS BANK

संसदमा चस्मा लगाएर जान नपाइने, हेर्नुहोस् यस्ता छन् अन्य निषेधित कुराहरु…

२५ बैशाख २०७७, बिहीबार

पढ्न लाग्ने समय: १ मिनेटभन्दा कम

  • अर्थ सरोकार सम्बाददाता 
काठमाडौं । कोरोना संक्रमणको जोखिमका बीच सुरु हुन लागेको बजेट अधिवेशनमा चस्मा लगाएर जान नपाइने भएको छ । संसद सचिवालयले कलम, डायरी र औषधिसमेत संसदभित्र लैजान निषेध गरेको छ ।
यसअघि प्रधानमन्त्री केपी शर्मा ओलीले कोरानाबाट जोगिनका लागि चस्मा अनिवार्य लगाउनुपर्ने बताएका थिए । तर, शुक्रबार बेलुका ४ बजेदेखि सुरु हुने संसद अधिवेशनमा भने चश्मालाई निषेधित वस्तुको सूचीमा राखिएको छ ।
विशिष्ट व्यक्ति, संवैधानिक अंगका प्रमुख, कूटनीतिक नियोगका प्रमुख र पत्रकार तथा दर्शकदीर्घामा लागि छुट्टाछुट्टै प्रवेशद्वार छन् । त्यहाँ निषेधित वस्तुहरुको सूची टाँस गरिएको छ । सूचीमा कलम, डायरी, झोला, चस्मा, चाबी, सिक्का, चार्जर, छाता, लठ्ठीसमेत साथमा राख्न नपाइने उल्लेख छ ।
पत्रकारहरुले डायरी र कलम नै बोक्न नपाउने अचम्मको नियम संसद सचिवालयले बनाएको छ । चस्मा र औषधिसमेत निषेध गरिएकाले दृष्टि कमजोर भएका र नियमित औषधि खानेहरु पनि मर्कामा पर्ने देखिएको छ ।
संसद सचिवालयका सूचना अधिकारी दशरथ धमलाले भने असावधानीबस त्यस्तो हुन गएको र सूचीलाई सच्याउने बताए । सच्चिएर कस्तो सूची आउने हो, हेर्न बाँकी छ ।
CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: