- अर्थ सरोकार सम्बाददाता
कैलाली । कैलालीस्थित सेती प्रादेशिक अस्पतालको आइसोलेसनमा भर्ना भएका एक ब्यक्तिको आज बिहान मृत्यु भएको छ । जिल्लाको गौरीगंगा नगरपालिका ७ का ५० वर्षीय पुरुषको बुधबार बिहान मृत्यु भएको हो । मंगलबार भारतको महाराष्ट्रबाट आएका उनी सोही दिन साँझ सेती प्रादेशिक अस्पतालमा भर्ना भएका थिए ।
अस्पतालका सूचना अधिकारी दिलिप श्रेष्ठका अनुसार भारतबाट आएको र स्वास्थ्यमा समस्या पनि देखिएपछि उनलाई अस्पताल भर्ना गरिएको थियो । उनलाई हिँजो साँझ भर्ना गरिएको थियो र आज बिहानै निधन भयो ।
श्रेष्ठका अनुसार मृतकको र्यापिड टेस्ट रिपोर्ट नेगेटिभ आएको छ । उनमा कोरोना थियो कि थिएन भनेर पत्ता लगाउन पीसीआर परीक्षणको लागि स्वाब संकलनसमेत गरिएको उनले जानकारी दिए ।
