• अर्थ सरोकार सम्बाददाता 

काठमाडौं । सेयर बजार जेठ २० गतेसम्म बन्द हुने भएको छ । नेपाल स्टक एक्सचेन्ज (नेप्से) सोमबार एक सूचना जारी गर्दै यस्तो जानकारी दिएको हो । सरकारले लकडाउन अवधि जेठ २० गतेसम्म थपेपछि सोही समयसम्म बजार पनि बन्द गरिने निर्णय भएको नेप्सेले जनाएको हो ।

यसअघि जेठ ५ गतेसम्म बजार बन्द भनिएको थियो । सरकारले लकडाउनलाई निरन्तरता दिएकाले बजार पनि बन्द गर्ने नेप्से सञ्चालक समितिले निर्णय गरेको हो । यसअघि लकडाउनकै बीचमा पनि २ दिन बजार खुला गरिएको थियो । २ दिन नै बजार ओरालो लागेपछि बजार बन्द गरिएको थियो ।