">
- अर्थ सरोकार सम्बाददाता
काठमाडौं । आइतबार कोरोना पुष्टी भएका काठमाडौं सोह्रखुट्टेका ६९ वर्षिय पुरुष अष्ट्रेलियाबाट आएको पाइएको छ । उनी चैत ३ गते अष्ट्रेलियाबाट युएई हुँदै काठमाडौं आएको पाइएको हो ।
उनी नेपाल आएर कतै नगई घरमै बसेको काठमाडौं महानगरपालिका–१६ का वडा सदस्य पुष्प महर्जन बताए । तर विदेशबाट आएका व्यक्तिको विवरण संकलन गरिएका बेला उनी छुटेका थिए । पछिल्लो समय वडा कार्यालयले पुनः विवरण संकलन गरेपछि पत्नीसहित उनले कोरोना परीक्षण गराएका थिए ।
आइतबार आएको रिपोर्ट अनुसार उनको नतिजा पोजेटिभ आएको छ भने श्रीमतीको नेगेटिभ आएको छ । उनलाई टेकु अस्पतालको आइसोलेसनमा भर्ना गरिएको छ ।
