">
- अर्थ सरोकार सम्बाददाता
काठमाडौं – सपोर्ट माइक्रोफाइनान्स वित्तीय संस्थाले आर्थिक वर्ष २०७६/७७ को तेश्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाको खुद नाफा ६६ लाख २८ हजार रुपैयाँ कमाएको छ । यो नाफा गत वर्षको सोहि अवधिमा २२०.१९% ले धेरै हो । गत वर्षको यहि अवधिमा कम्पनीले २० लाख ७० हजार रुपैयाँले खुद नाफा कमाएको थियो ।
खुद ब्याज आम्दानी पनि २ करोड १८ लाख रुपैयाँबाट बढाएर ३ करोड १९ लाख पुर्याएको छ । सपोर्टले सञ्चालन नाफा पनि ३२ लाख ५३ हजार रुपैयाँबाट बढाएर १ करोड ४ लाख पुर्याएको छ । कम्पनीको खुद ब्याज आम्दानी र सञ्चालन आकर्षक वृद्धि देखिएको छ ।
यो तेश्रो त्रैमाससम्म १७ करोड १ लाख रुपैयाँ निक्षेप संकलन गरी ८६ करोड ३३ लाख रुपैयाँ कर्जा लगानी गरेको छ । हाल यसको चुक्ता पुँजी ६ करोड रुपैयाँ रहेको छ भने जगेडा कोषमा २ करोड १३ लाख रुपैयाँ छ ।
यता, कम्पनीले खराब कर्जा पनि घटाउन सफल भएको छ । गत वर्ष २.८६% रहेको खराब कर्जा यो त्रैमासमा घटेर १.६७% मा सीमित भएको छ । प्रतिसेयर आम्दानी १४ रुपैयाँ ७३ पैसा रहेको यसको प्रतिसेयर नेटवर्थ १३५ रुपैयाँ ५९ पैसा छ ।
