- अर्थ सरोकार सम्बाददाता
सुर्खेत । कर्णाली प्रदेशमा संक्रमितको संख्या ४६ पुगेको छ । बिहिवार मात्रै दैलेखका ८ जनाको पिसिआर रिपोर्ट पोजेटिभ आएको हो । भारतबाट केहि दिनअघि आइ क्वारेन्टाइनमा बसेकाहरूबाट लिइएको रिपोर्ट पोजेटिभ सामाजिक विकास मन्त्रालय कर्णाली प्रदेशका स्वास्थ्य सेवा महाशाखा प्रमुख डा. लक्ष्मीनारायण तिवारीले बताए । उनिहरूमध्ये सबै जना दैलेखको नारायण नगरपालिकाका रहेको उनले बताए ।
संक्रमितमध्ये ८ जनामध्ये १ जना महिला र ७ जना पुरूष रहेका छन् । सबै संक्रमितहरू दैलेखको नारायण नगरपालिकाका रहेका छन्। यसअघि दैलेखका ८ जना, सुर्खेतका २८, बझाङका १ जना र ठेगाना नखुलेका १ जना गरि ३८ जना कर्णालीमा कोरोना संक्रमित थिए । आज थप भएका ८ जनासहित कर्णाली प्रदेशमा कोरोना संक्रमितको संख्या ४६ पुगेको छ भने दैलेखमा मात्रै १६ पुगेको छ । मन्त्रालयका अनुसार सबै कोरोना संक्रमित सामान्य अवस्थामा स्वास्थ्यकर्मीको सम्पर्कमा रहेका छन् ।
