• अर्थ सरोकार सम्बाददाता 

दैलेख । दैलेख आठबिस नगरपालिका १ का कोरोना संक्रमित ३५ वर्षिय युवालाई सुर्खेत लगिएको छ । गत ५ गते कोरोना पुष्टि भएका उनलाई चार दिन दैलेख राखेर सुर्खेत लगिएको स्वास्थ्य सेवा कार्यालय दैलेखका खोप अधिकृत थीरप्रशाद रेग्मीले बताए । 

प्रदेश सरकारले कर्णालीका तीन जिल्लामा कोरोना अस्पताल घोषणा गरेको भए पनि कोरोना अस्पतालमा लगेर उपचार नगरिएको भन्दै प्रदेश सरकारको आलोचना भएको थियो । भारतको वनवासा हुँदै दैलेख आएका उनलाई आठबिस नगरपालिकाले गत चैत्र ३१ गते उद्धार गरी ल्याएको थियो। उनीसँगै ३९ जनाको उद्धार गरिएकोमा ३८ जनामा कोरोना नेगेटिभ देखिएको छ।