• अर्थ सरोकार सम्बाददाता 

पोखरा ।  बिहीबार बिहान कोरोना पुष्टी भएकी स्याङ्जाकी महिलालाई थप उपचारको लागि पोखरा ल्याइएको छ । बिहीबार बिहान कोरोना पुष्टि भएका स्याङ्जाका ३ जना संक्रमितमध्ये ३९ वर्षिय महिलालाई उपचारका लागि पोखरा ल्याइएको हो । 

स्वास्थ्य निर्देशनालयका निर्देशक डाक्टर विनोद विन्दु शर्माका अनुसार आइसोलेसनका अभाव भएकाले स्याङ्जाकी संक्रमितलाई पोखरा ल्याइएको हो । अहिले उनको अवस्था सामान्य रहेको उनको भनाइ छ । स्याङ्जामा पछिल्लो तथ्यांक अनुसार ५ जना संक्रमित भेटिएका छन् ।