• अर्थ सरोकार सम्बाददाता 

काठमाडौं – दिनप्रतिदिन कोरोना संक्रमणबाट बेलायतमा ज्यान जानेको संख्या बढ्दै गइरहेको छ । बेलायतमा पछिल्लो २४ घण्टामा ५ सय ३९ जनाले ज्यान गुमाएका छन् । यो सँगै बेलायतमा कोरोना संक्रमणबाट ज्यान गुमाउनेको संख्या ३० हजार ६१५ पुगेको बेलायतको स्वास्थ्य मन्त्रालयले जनाएको छ ।

साथै मन्त्रालयले प्रकाशित गरेको तथ्यांक अनुसार पछिल्लो २४ घण्टामा ५ हजार ६१४ जनामा नयाँ संक्रमण देखिएको छ । यो संगै संक्रमित संख्या २ लाख ६ हजार ७१५ जनामा संक्रमण पुगेको छ । संक्रमितमध्ये १ लाख ७५ हजार ७५६ जनामा भाइरस सक्रिय छ । उनीहरुको विभिन्न अस्पतालमा उपचार भइरहेको छ । उपचाररतमध्ये १ हजार ५५९ जनाको अवस्था गम्भीर छ ।