- अर्थ सरोकार सम्बाददाता
काठमाडौँ – उन्नति लघुवित्त वित्तीय संस्थाले आर्थिक वर्ष २०७६/७७ को तेस्रो त्रैमासको वित्तीय विवरण सार्वजनिक गरेको छ । सार्वजनिक गरेको विवरण अनुसार संस्थाले ३ करोड ३४ लाख रुपैयाँ खुद नाफा कमाएको छ । यो नाफा गत वर्षको सोहि अवधिको तुलनामा ५%ले बढेको हो । गत वर्षको यसै अवधिमा संस्थाले ३ करोड १६ लाख रुपैयाँ खुद नाफा कमाएको थियो ।
यस्तै, संस्थाले १० करोड ६ लाख रुपैयाँ खुद ब्याज आम्दानी गरेको छ। गत वर्षको यसै अवधिमा खुद ब्याज आम्दानी ५ करोड ८३ लाख रुपयाँ रहेको थियो । यता, संस्थाले सञ्चालन नाफा पनि ४ करोड ९२ लाख रुपैयाँबाट बढेर ५ करोड ११ लाख रुपैयाँ पुगेको छ। लघुवित्तको खुद ब्याज आम्दानी र सञ्चालन नाफा बढ्दा संस्थाको खुद नाफा पनि बढेको हो।
यो तेश्रो त्रैमाससम्ममा संस्थाले ६७ करोड २३ लाख रुपैयाँ निक्षेप संकलन गरी १ अर्ब ८१ करोड ४९ लाख रुपैयाँ कर्जा लगानी गरेको छ । गत वर्ष बैंकले ५० करोड २९ लाख रुपैयाँ निक्षेप संकलन र १ अर्ब ३७ करोड ७५ लाख रुपैयाँ कर्जा लगानी गरेको थियो । संस्थाको चुक्ता पूँजी ८ करोड ८२ लाख रुपैयाँ रहेको छ भने जगेडा कोष ८ करोड ५९ लाख रुपैयाँ संचित छ।
संस्थाको खराब कर्जा १.८७% रहेको छ । संस्थाको प्रति सेयर आम्दानी ५० रुपैयाँ ५६ पैसा, प्रतिशेयर नेटवर्थ १९७ रुपैयाँ ३७ पैसा र मूल्य आम्दानी अनुपात १४.३९ गुणा रहेको विवरणमा उल्लेख छ।
