• अर्थ सरोकार सम्बाददाता 

काठमाडौं । नेपालमा एक हप्तामा ८ सय १७ जनामा कोरोना संक्रमण पुष्टी भएको छ । स्वास्थ्य तथा जनसंख्या मन्त्रालयको तथ्यांक अनुसार नेपालमा एक हप्तामा ८ सय १७ जनामा कोरोना संक्रमण पुष्टी भएको हो ।

नेपालमा शनिबार ४ बजेसम्म संक्रमितक संख्या १ हजार ४०१ पुगेको छ । मन्त्रालयका अनुसार देशभर आइतबार १९, सोमबार ७९, मंगलबार ९०, बुधबार ११४, बिहीबार १५६, शुक्रबार १७० र शनिबार १८९ जनामा कोरोना पुष्टी भएको हो । बुधबारदेखि दैनिक संक्रमितको संख्या एक सयभन्दा बढी हुन थालेपछि एक हप्तामा मात्रै संक्रमित संख्या ८१७ पुगेको हो । यस्तै निको हुनेको संख्या २ सय नाघेको छ भने ७ जनाको उक्त भाइरसबाट ज्यानसमेत गएको छ ।