">
- अर्थ सरोकार सम्बाददाता
काठमाडौं । स्वास्थ्य तथा जनसंख्या मन्त्रालयले आइतबारसम्म नेपालभर ६०३ जनामा कोरोना भाइरसको संक्रमण देखिएको पुष्टी गरेको छ । जसमा देशभरका विभिन्न अस्पतालको आइसोलेसनमा ५ सय १३ जना उपचाररत रहेको मन्त्रालयका प्रवक्ता डा.विकास देवकोटाले बताए ।
कोरोना पुष्टी भएकाहरुमध्ये प्रदेश १ को अस्पतालको आइसोलेसनमा ६० जना, प्रदेश २ मा १६६ जना, बागमती प्रदेशमा २४ जना उपचारत रहेका छन् । यस्तै गण्डकी प्रदेशमा ३ जना, प्रदेश ५ मा २४७ जना, कर्णाली प्रदेशमा ४ जना र सुदूरपश्चिम प्रदेशमा ९ जना कोरोना संक्रमित आइसोलेसनमा उपचाररत रहेका छन् । निको हुनेको संख्या ८७ पुगेको छ भने हालसम्म तीन जना कोरोना संक्रमितको मृत्यु भएको छ ।
