काठमाडौं । संसारको सब भन्दा शक्तिशाली देश अमेरिका कोरोना भाइरसको महामारीबाट हार्दै छ । तर, अमेरिकाले २० बर्षसम्म युद्ध लडेको देशले भने कोरोनालाई सहज तरिकाले परास्त गरेको छ । अमेरिकाले यो देशमाथि लाखौं टन बारूद बर्षाएको थियो । यो देश अमेरिकाभन्दा ३० गुणा सानो छ । यो देश भियतनाम हो । यसको कुल जनसंख्या ९ करोड ६० लाख छ । हरेक क्षेत्रमा कमजोर भियतनाममा कोरोना नियन्त्रण छ । त्यहाको जनजीवन सामान्य छ ।
यो जनवरीको अन्त्य हो जब भियतनाममा चंद्र वर्ष शुरु भएको थियो । त्यहि बेला एकै साथ भियतनाममा कोरोना भाइरसका दुईवटा घटनाहरू पुष्टि भएका थिए । भाइरस देखिपछि तुरुन्त भियतनाम सरकारले यो औषधि बनाउने कम्पनीहरु लाई सम्पर्क गर्यो ।
भियतनाममा स्वास्थ्य उपकरण निर्माण गर्ने कम्पनी भियतनाम ए कर्पले सरकारलाई चाँडो भन्दा चाडो परीक्षण किट चाहिने सल्लाह दियो । र सरकारले यी कम्पनीलाई उक्त किट बनाउन निर्देशन समेत दियो । त्यो कम्पनीले रातदिन नभनि छिटो काम गर्न थाल्यौं। भियतनामको सीमा चीनसँग जोडिएको छ। भियतनामको तुलनामा चीन धेरै धनी छ । तर, भियतनाममा जनवरीदेखि अहिलेसम्म २७० घटनाहरूमात्र आएका छन । तर, कुनै भियतनामीको ज्यान गएको छैन ।
भियतनामले चाँडै नै देशभरी कोरोना परिक्षणकोअनुसन्धान शुरु गर्यो । देशभरी परिक्षण गर्दा विभिन्न स्थान जहाँबाट कोरोनाका केसहरू आए उनीहरू पूर्ण रूपमा एक अर्काबाट अलग राखियो । साथै, त्यसबेलासम्म देशमा सबै क्षेत्रमा लकडाउन भइसकेको थियो ।
भियतनामले तुरुन्त कोरोना भाइरसको नियन्त्रण लिन सफल हुनुमा कोरोनाको परिक्षणका लागि तत्कालै निर्णय गर्यो । यातायातको आवत जावतमा पुरै बन्देज गरियो। देशका विभिन्न स्थानमा क्वारेनटाइनको व्यबस्था गरियो । अप्रिल २६ सम्म, भियतनाममा २ लाख १३ लाखभन्दा बढी परीक्षणहरू गरिसकेका छन् ।
विश्व स्वास्थ्य संगठन (डब्ल्यूएचओ) का प्रतिनिधि किडोंग पार्कले भियतनाम सरकारले उपलब्ध गराएको तथ्यांक ठिक हो । उनले भने, यहाँको सरकारले लिएको छिटो निर्णय र खुला बजार नीतिका कारण कोरोना चाँडै नै नियन्त्रण भयो । एजेन्सी
