- अर्थ सरोकार सम्बाददाता
काठमाडौं । आपतका लागि आवश्यक आर्थिक स्रोत जुटाउन विश्व स्वास्थ्य संगठन (डब्ल्यूएचओ) ले एउटा फाउन्डेसन गठन गरेको हो । अब यो फाउन्डेसनमार्फत नयाँ आर्थिक स्रोत जुटाउन काम हुने डब्ल्यूएचओले जनाएको छ । यो फाउन्डेसन डब्ल्यूएचओको मुख्यालय जेनेभामातहत नै रहनेछ। तर यो फाउन्डेसन मुख्य संगठनबाट भने स्वतन्त्र हुनेछ । यो फाउन्डेसनमा जुटेको पैसा सुरुआतमा कुनै पनि महामारीमा मद्दतका लागि परिचालन गरिने डब्ल्यूएचओले जनाएको छ । तर पछि अन्य स्वास्थ्य संकटका बेला फाउन्डेसनमार्फत आर्थिक मद्दत गर्ने बताइएको छ ।
डब्ल्यूएचओ प्रमुख डा. टेड्रोसले भविष्यमा यस्ता आपतकालीन अवस्थामा जुझ्नका लागि दानकर्ताहरुको दायरा बढाउन आवश्यक रहेको बताएका छन् । डब्ल्यूएचओले सदस्य राष्ट्रहरुमार्फत आर्थिक सहायता प्राप्त गर्दै आएको छ । जुन वार्षिक रुपमा हुने गर्छ। तर देशहरुले आफ्नो आर्थिक हैसियतका आधारमा डब्ल्यूएचओलाई आर्थिक सहयोग गर्दै आएका छन् ।
कोरोनाभाइरस संकटबीच अमेरिकी राष्ट्रपति डोनाल्ड ट्रम्पले डब्ल्यूएचओको गतिविधिप्रति सन्देह जनाउँदै आर्थिक सहयोग गर्ने चेतावनी दिइरहेकै बेला यो फाउन्डेसन गठन हुनुलाई विश्वले निकै चासोपूर्वक हेरेका छन् । -एजेन्सी
