">
- अर्थ सरोकार सम्बाददाता
बाँके । सोमबार बाँके र बर्दियाका गरी थप १९ जनामा कोरोना सङ्क्रमण पुष्टी भएको छ । भेरी अस्पताल नेपालगञ्जको प्रयोगशालामा सोमबार गरिएको परीक्षणमा बाँकेका एक जना र बर्दियाका १८ जनामा कोरोना सङ्क्रमण देखिएको हो ।
भेरी अस्पतालका अनुसार बाँकेको जानकी गाउँपालिका ४ का २१ वर्षीय युवकमा सङ्क्रमण देखिएको छ । यस्तै बर्दियाको बारबर्दिया नगरपालिकाका २ जना, मधुवन नगरपालिकाका ४ जना, ठाकुरबाबा नगरपालिकाका ३ जना, बासगढी नगरपालिकाका ९ जना गरी १८ जनामा सङ्क्रमण देखिएको हो । यता स्वास्थ्य मन्त्रायले यसबारे औपचारिक रुपमा पुष्टी गर्न बाँकि छ ।
