- अर्थ सरोकार सम्बाददाता
बुटवल । रुपन्देहीको भैरहवास्थित भिम अस्पतालमा भर्ना भएका २५ जना कोरोना संक्रमित निको भएका भएका छन् । पछिल्लो २४ घण्टामा दुईपटकसम्म गरिएको पीसीआर परीक्षणमा सबैको नेगेटिभ रिपोर्ट आएपछि डिस्चार्ज गरिएको अस्पतालका मेडिकल सुपरिटेन्डेन्ट डा. नवीनदर्नालले जानकारी दिए।
डिस्चार्ज हुनेमा ४ वर्ष र १० वर्षकी बालिका सहित २२ जना पुरुष र तीनजना महिला रहेका छन् । अस्पतालबाट डिस्चार्ज भएकालाई प्रदेश ५ का सामाजिक विकासमन्त्री सुदर्शन बराल, प्रदेश सभा सदस्य सन्तोष पाण्डे,अस्पतालका चिकित्सक र स्वास्थ्यकर्मीहरुले खादा लगाइदिएर पुष्पगुच्छा दिएर बिदाइ गरेका हुन् ।
