• अर्थ सरोकार सम्बाददाता

काठमाडौं । नेपालको जनसंख्या तीन करोड नाघेको छ । केन्द्रीय तथ्यांक विभागको जनसंख्या घडीमा शुक्रबार मध्यान्ह नेपालको जनसंख्या ३ करोड ६३४ जना देखाइएको छ ।

विभागका महानिर्देशक नेविनलाल श्रेष्ठले उक्त जनसंख्या वैज्ञानिक आधारमा प्रक्षेपण गरिएको जनसंख्या भएको बताए । उक्त घडी २०६८ को जनगणनाको आधारमा सेट गरिएको थियो ।  जसले जन्मदर, मृत्युदर र बसाईसराई दरको आधारमा जनसंख्या देखाउँछ ।

२०६८ सालको जनगणना अनुसार नेपालको जनसंख्या २ करोड ६४ लाख ५४ हजार ५०४ थियो ।